hindi daw natitiis ng blank ang blank

Madalas mong sinasabi sakin na pinagsisisihan mo na nagasawa ka ng maaga. Hindi mo ba iniisip kung anong nararamdaman ko tuwing sinasabi mo yun? AKO ang dahilan kung bakit ka nagpakasal. Ang chaka noh.


Gayunpaman, sinabi ko sa sarili ko na gusto kitang tularan. Paglaki ko (malaki na ko) gusto kong tularan ang mga mabubuti mong ginawa sa pamilya mo. (Yung mabuti lang) Isa kang pambihira. ikaw ang dahilan kung bakit aku ganito ngayon. Pero hindi kita pinagsisihan, dahil kung magkakaroon man ng kapangyarihang mamili, ikaw pa rin ang pipiliin ko.


Lagi niyang sinasabi na madalas ka niyang nakikita sa skul, pero akala lang niya pala. Lagi niyang napagkakamalan ang ibang tao na ikaw, akala niya sinorpresa mo siya at susunduin mo siya, at tuwing tatawagin ka na niya, maiisip niyang hindi pala ikaw yun, at umuuwi siyang dismayado. Ganun ang pangungulila niya sayo, at ginawa ko ang lahat para punan yun, peru ikaw ang kailangan niya.


Kung iniisip mo na galit ako sayo, nagkakamali ka. Kasi kahit ako, nagugulat sa sarili ko na hanggang ngayon, sa kabila ng mga kalansay sa aparador, ay patuloy kitang minamahal. Naisip ko, siguro kaya ako ganito ngayon, dahil pinagsama ko ang mainit at malamig na tubig sa isang timba. at alam mo na kung anung naging bunga.


At kahit ngayong hindi mo na ko kilala, at hindi mo alam na hindi ako kumakain ng pechay baguio, habang buhay parin akong mangungulila sayo. sa mga panahong inaamo mo ako, noong hinahayaan mo kong magmaldita, noong hindi mo ko matiis na hindi bilhan ng laruan, noong pinapasalubungan mo ako ng paborito kong pagkain, noong inaabot tayo ng hating gabi sa paglalakwatsa, noong napupuyat ka sa pagpaypay sakin tuwing brownout, noong nagaalala ka noong mga panahong naging sakitin aku, noong ikaw pa ang gumagawa ng project ko, hanggang noon na lang. at hindi na maibabalik ang noon, dahil iba ang pangarap mo sa pangarap ko.


Maligayang kaarawan. sana sabay tayong nagdiriwang ngayon, pero may mga bagay talaga na hanggang pangarap na lang.

ties

congratulations at first honor ka nanaman :p

kanino ka pa ba magmamana,
symepre hindi sakin,
pero gusto ko lang na nasa eksena ako,

kaya, sana kahit mali mali ang turo ko sa mga assignments mo,
at kahit hindi ko na maalala ang mga pesteng radical signs sa math,
at hindi ko masagut kung paano ba makakapagmasturbate ang mga lalaki ng hindi nagiisip ng kalaswaan,
at hindi ko rin alam kung bakit ka pinagbabasa ng mga titser mo ng mga kwentong wala namang kinalaman sa buhay mo
sana kahit papano naman, nakakatulong ako sa pagaaral mo :p

gusto ko lang magpasalamat kasi umabot tayo dito.
mahaba haba narin..
alam mo na kung anung ibig kong sabihin.

naalala ko nung pinagalitan kita dati,
kasi dalawang beses mo ginagamit ung bra mo,
sinabi mo na, gusto mo lang makabawas sa tambak na labahin ko (nung mga panahong nasira ang ating washing machine)
d ko pinahalata pero natats aku dun,
pinagalitan parin kita, kasi ayokong maawa sa sarili ko,
at ayokong isakripisyo mo ang pagpapalit mo ng bra! bruha kang bata ka!

pero salamat.
kasi hindi ka naging pabigat, nagaaral kang magisa.
alam mo namang nabobobo ko pagtinatanong mo ko tungkol sa mga assignments mo,
at salamat,
tuwing pinagpapasensyahan mo ang mga KAABNORMALAN ko,
at salamat,
tuwing inaapreciate mo ang mga palpak kong luto,
tulad na lang din kanina, dun sa ginawa kong refrigerated cake, kahit malutong pa yung sky flakes,
sarap na sarap ka parin.
nung pinintasan ni daddy,
sabi ko, "nakakahurt ka naman, ginawa ko yan with all my might"
at sabi mo. "with all your might lang? nasan ang heart?"

naisip ko,
siguro kaya nawawalan ng saysay ang mga ginagawa ko ngayon kasi may nawawala.
yung heart ko. (kinuha ni marlin, joke:p)

salamat.
kasi ang dami mong tinuro sa akin.
at lagi mo kong nililibre ng meryenda,
kasi lagi akong walang pera.

sabi ko nga sayo, ikaw na lang ang ate, ano ikaw na?